近兩星期細價股接力暴跌，先有德普科技（3823），後有飲食概念（8056）及皇璽餐飲（8300），不過嚇唔走一眾討論區巴打絲打，早前仍然落力討論炒即日鮮！
德普遭沽空機構唱淡後，首日斬倉式暴瀉逾九成，工蓋（1421）、藍天威力（6828）等至少有逾10隻細價股跟隨洗倉式暴跌，隻隻都跌過50%。近日飲食概念、皇璽一上市數日即現形暴跌70-80%。
不過，本港討論區仍炒味甚濃，不停見有網友撈底暴瀉股，包括中國天化工（362）、鼎石資本（8097）等，高登有即日鮮帖炒暴跌細價股，回覆近1000篇帖文，更聲稱炒暴跌股是炒膽量。
有網友聲稱兩日賺獲超過3萬元，亦有人高位入市慘輸，以3.5元買入上市翌日即暴瀉的飲食概念，昨日報0.68元，未止蝕一手蝕1.4萬。