【真‧識食】如何吃Cup cake熱狗而不失霸氣

Cup cake、熱狗和三文治就食得多，到底你又食得夠唔夠醒，係咪真係識食呢？

Cup cake

Cup cake、熱狗和三文治就食得多，原來食法都有好多種！

麻煩位：蛋糕面一大塊糖霜，咬落去一定成面忌廉！
聰明食法：將cup cake起底，變佢做夾心蛋糕，咁食起嚟就非常乾手淨腳啦！

熱狗

麻煩位：狂落茄汁、芥辣或沙律醬，食嗰陣必晒醬，手同面都污穢晒。
聰明食法：將腸仔𠝹上螺旋紋，香腸快熟得多，煎香後螺旋紋爆開，加上的醬汁剛好滲進螺旋紋再滲到熱狗包中，食起來乾淨啲又滋味啲！

圓形火腿三文治

麻煩位：角位冇饀！
聰明食法：兩片圓形火腿各切半，然後直徑貼着麵包邊，這樣吃起來就四邊四角都有料。

雜菜三文治

麻煩位：番茄漏汁
精明食法：麵包先包番茄，麵包外面才包生菜，是韓國燒肉的包法！呢個食法係咪包保滴汁不漏呢！

記者：容慧心
攝影：梁志永

將cup cake起底，變佢做夾心蛋糕，食起嚟便乾手淨腳。

做熱狗時先將腸仔𠝹上螺旋紋，香腸快熟得多。

扭紋熱狗腸還可以夾實醬汁，唔會漏到成手都係。

食碎茄治成日會漏晒汁。

碎茄治外面才包生菜，這個韓國燒肉的包法係咪包保滴汁不漏呢！

圓形火腿夾包食到角位一定冇餡！

兩片圓形火腿各切半，然後直徑貼着麵包邊，這樣就四邊四角都有料啦。