由於氣量及經驗不及年長對手，故此外地從未出賽之自購新馬（PPG）抵港首季通常只能在中短途賽事交表現，若然能夠咁快在長途賽上名，必定擁有過人之質。上季就有兩匹首季到港之V布PPG能夠在千八米上名，兩駒均出自告東尼馬房，分別係「愛美麗」及「開心駿馬」，破格分子新季確有長線留意必要。
「愛美麗」上季三歲之齡第三次上陣已在1600米跑第二，翌仗再增程跑1800米，能壓倒另一匹新勝馬「肇慶威威」贏馬補中，已盡顯非凡潛質。翻查近兩匹首季到港即贏同程之「桃花心」及「實業風采」翌季均繼續交出頭馬，前駒更躋身頂班行列，故此「愛美麗」可謂前途無限。
至於「開心駿馬」第二次上陣初跑谷草一哩即勝其實難度甚高，季尾在強手林立之三班角逐谷草1800米亦只輸頸位跑第二，新季同樣有力增添進賬。