本土民主前線梁天琦（圖）力撐青年新政成員參選立法會後，有網民質疑青政候選人口才唔多掂。青政發言人黃俊傑日前出席本民前網台節目時透露，最近已增加個人訓練，每日至少用一粒鐘練習說話技巧，笑稱同佢訓練嘅人士，叫佢要講多啲粗口，「咁會比較輕鬆啲、本土啲」。
口才了得嘅梁天琦就話，自己長期網台開咪，講嘢先有進步，預告會做青政三區「總司令」，同候選人進行模擬選舉論壇，「等佢哋內化本民前政治理念」，仲鼓勵佢哋要多啲出席選舉論壇。
至於早前俾自稱「阿爺嘅」、「報紙嘅」男子駕車跟蹤嘅梁天琦，估計有關男子係《大公報》狗仔隊。本民前黃台仰亦話之前有本民前成員被相同人士跟蹤，對方被問身份時自稱《大公報》。該區其他參選名單，請參閱本報立會選戰網站 http://hk.apple.nextmedia.com/legco2016/region 。