踏入第二季之馬匹往往是頭馬的主要來源，上季到港第二季之T布馬便合力交出248W，佔總頭馬超過三成，所以一批V布馬可望接力在新季大放異綵。但係V布馬咁多，可以點揀呢？
若然見到馬匹首季出賽非冠即亞，通常第二季都可以繼續好。翻查紀錄，前季就有「首飾太陽」、「澳斯卡」、「一片光明」、「刺刀」、「有心人」及「綫路神駒」六駒首季到港出賽兩次或以上全入Q，結果除了「刺刀」退役冇再跑之外，其餘在第二季通通可以交出頭馬，前三駒更贏不止一場。至於上季又有三匹同類份子，全部出自蔡約翰馬房，分別為「紅衣醒神」、「慣勝聆聽」及「翩翩」，話唔定可以好似「首飾太陽」及「澳斯卡」一樣殺上頂班。