立法會選舉倒數不足一個月，特區政府以封殺本土民主前線梁天琦參選，成功將整個選舉焦點由踢走特首梁振英、逼建制派參選人表態是否挺梁及查UGL事件，變成是否支持港獨人士參選。據了解，泛民陣營認為是時候扭轉有關情況，以免梁振英及建制陣營輕鬆「過骨」，「又可以向北京領功」。
選舉議題現集中港獨
有泛民中人稱，近日出席一些選舉論壇，感覺建制派對是否挺梁連任、是否支持查梁振英收UGL巨款、甚至回應廉政公署受政治干預，顯得不太緊張。
該泛民中人認為，因為公眾對選舉焦點全集中在港獨議題，「建制派態度好明顯，反正傳媒關注焦點喺晒港獨、梁天琦身上，無論建制對挺梁同查UGL事件答得幾衰，傳媒唔報，或者唔重點報道，就可當冇發生、唔存在」。
另一泛民中人更發現，今次梁天琦因倡議港獨被封殺參選，建制候選人並無「食住上」大做文章，「明顯建制派想由得泛民、非建制候選人繼續喺港獨議題拗來拗去，冇人再理梁振英去留，佢哋食花生，箍實手上鐵票等當選」。
所以泛民陣營開始出招，要將整個選舉議題，再聚焦於查梁振英收UGL巨款、干預廉政公署運作，以至林榮基事件，「港獨與否爭拗，連港獨派都話要幾年甚至更長時間，都唔知有冇結果，放喺眼前係如果放過梁振英，出年3月佢就連任，香港人要再受多佢5年」。
季陶
周一、三、五刊出