森巴Beats：
吳敏霞七夕放閃﹗贏晒

周二係傳統節日七夕，雖然撞正里約奧運，但中國選手都不忘放閃！啱啱贏女子雙人三米板嘅吳敏霞，見男友張效誠日前受訪爆響口話佢哋拍緊拖，所以呢位30歲嘅「跳水王后」都喺七夕公開戀情！吳敏霞喺微博上載同男友張效誠嘅合照，仲話：「祝大家七夕快樂，有情人終成眷屬。喺呢度多謝呢位一直喺背後支持我嘅靚仔，辛苦你喇！」嘩，真係隔住個螢幕都覺得好閃！有網民仲問佢幾時會結婚擺酒！至於中國射擊隊嘅「神槍俠侶」龐偉同杜麗，都有喺微博上載啲親密合照，向粉絲晒吓恩愛。