三浦知良喺日乙又有波入喇，踢緊FC橫濱嘅佢，喺八月七號對大阪櫻花場波，喺球隊落後兩球嘅情況下，入咗球靚波幫球隊追番球。呢一球令佢一直保持住嘅「日本聯賽最老球員入球紀錄」，又再提升一步去到49歲165日。FC橫濱之後仲越踢越好，入多兩球，最後反勝大阪櫻花3:2㖭。FC橫濱近五場三勝兩和，狀態唔錯。Kazu哥呢啲咪叫家有一老，如有一寶囉！