【本報訊】廣東旅遊潮汕團遇上車禍釀17名團友受傷，國際專業保險諮詢協會會長羅少雄表示，團友出發前應自行購買旅遊保險或意外保險，一旦遇事可獲保障；否則遇事後要追究旅行社或內地旅遊巴公司，有一定困難。
羅少雄指出，現時旅客報團時，旅行社通常會建議旅客選購旅遊保，收費一般只是100元左右，但並非強制購買。他說：「有啲旅客可能叫佢畀多5蚊都詐型，所以個別旅行社索性送埋保險吸引旅客報團，例如話送10萬保障額嘅平安保，或者20萬嘅意外保都會有。」
羅少雄又稱，雖然內地法例有規定車輛須購買第三者責任保險，但有別於香港的人命保償可高達1億元；內地購買第三者責任保險，保障額「有得揀」，一般為20萬、50萬至100萬元不等，未必有足夠賠償。他建議旅客旅行前購買旅遊保有備無患，「意外嘅嘢，好似話要證明司機瞌眼瞓，佢認唔認呢？車主或者旅遊車公司肯唔肯賠償呢？始終一國兩制嘛，跨境點追究都好耐、好麻煩」。
■記者江寶龍、鄭文輝