雖然艾拿迪斯（大儍）喺上月獲委任為英格蘭國家隊領隊，不過佢似乎都冇打算減減磅，好在佢練波嗰陣，仲肯親身落場同「三獅軍團」踢番兩腳！英國保頓嘅麥當奴周一就喺twitter，上載一張大儍去幫襯嘅相，雖然張相只係見到佢坐喺架車入面嗌外賣，不過睇見佢個樣笑得咁開心，可能係嗌咗個加大嘅巨無霸餐囉。其實食得咁多快餐唔係咁好，加上大儍都成61歲，真係要注意吓健康呀。