喺星爺嘅電影《少林足球》入面，三師兄落場守龍門嗰陣，拎電話出嚟打畀阿珍表白；估唔到法國劍擊手勒福特都袋住電話落場！勒福特周一出戰男子花劍32強嗰陣，手機突然喺褲袋跌出嚟！可能佢都因為呢件事嚇到集中唔到精神，結果以13:15輸畀德國嘅祖比治。勒福特周五會代表法國出戰花劍男團，仲會同雷聲領軍嘅中國隊交手，希望佢到時記得放好部手機啦！