《Pokemon GO》又有更新喇！上次更新好多人都話小精靈難捉咗，伏味甚濃，今次又更唔更新得過呢？即刻同大家數數更新咗啲乜。
1.右下角Nearby功能變咗Sightings，一樣冇腳印，但精靈隔籬就多咗草叢圖案，咁係咪代表一直喺地圖上冇乜用嘅郁郁草真係有精靈呢？我哋就實試過，喺Sightings畫面篤精靈一樣冇作用，而地圖上面啲草叢都唔覺有分別。廠商話仲測試緊，可能遲啲又有新改動。
2.慳電功能返嚟喇，點精靈球後，按右上Settings就見到Battery Saver。
3.轉精靈球「拉西」投擲弧形球改良咗拋物線，弧度少了冇咁西，個人感覺命中率高了。
4.加少了速度提示，當你行得太快遊戲會有訊息問你是否駕駛中，要答No先可以繼續玩。
5.可以改名一次，喺Settings選擇Change Nickname就可以了。
6.拋波拋到Excellent、Great、Nice有番XP獎勵。
更新都是小改動，不過精靈就冇難捉到，部份精靈好似仲企前咗易捉咗，加上又多番省電以及靚波獎勵，總括嚟講，呢次更新唔算伏。
記者：司徒港燊
