中國拳擊選手呂斌周一喺男子拳擊輕蠅量級比賽，雖然點數輸畀肯雅拳手華雷爾，但仲出名過打贏佢嘅華雷爾。點解會咁？咪係因為呂斌叻唔切囉。呂斌同華雷爾打完三個回合之後，以為自己打得好啲贏點數，喺拳證宣判賽果前慶祝，點知拳證冇高舉佢手臂，佢當堂O晒嘴，場面不知幾咁尷尬。國內傳媒賽後冇嘲笑呂斌之餘，仲話拳證針對佢，明明贏都搞到變輸，問你服未。