這是最好的時代，也是最壞的時代，這句古典名著金句，除了用作形容法國大革命前夜外，用以形容近期港股表現亦頗為貼切。明明是上市公司業績大倒退，明明是內地企業負債高企兼違約事件不斷（國企也出事），明明是市場資金越趨枯竭，但港股卻可重上二萬二千點，周二亦只略為回軟不足30點，異常堅挺。
財金界人士跟密西比說，不要跟大市「拗頸」，暫時全球股市都「炒放水」，若主旋律不變，港股很難找「合適原因」大跌。他說：「首先是香港地產股穩定咗先，然後到中國數據都唔係咁差喎，啲人咪衝入個市買返啲跑輸股，所以咪連賭股都炒返幾轉，之後就到跌咗好多嘅藍籌囉。」
他續說：「一日個放水大方向唔變，環球股市就唔會差得去邊，港股又點跌落去？」若果美國加息？財金界人士「哈哈」兩聲後說：「加息？𠵱家咁嘅環境點加？你真係以為美國數據好掂？其實經濟情況好反覆，仲要今年係大選年，我就買今年唔加喇。」
到底港股是最好的時代，還是最壞的時代，視乎你膽量。
密西比