自由黨同新思維，前者打正中堅中立招牌，後者就話走中間路線，兩個黨路向似但向來冇乜交往，但同李梓敬合組名單參選新界東嘅自由黨榮譽主席田北俊，噚日下午突然殺入紅磡，為出戰九龍西嘅新思維狄志遠站台（圖），何解？田少話認同對方理性溝通嘅理念，所以到場支持。
嗱，選舉百忙間都幫第二個黨拉票，係咪想新思維「禮尚往來」喺新東幫番自由黨先？田少話冇咁嘅事，強調幫狄志遠唔係為咗換取新思維支持，自言願意支持任何理念相近嘅候選人，仲話新思維成立不久，票源唔太多，唔相信自由黨喺新東要靠新思維嘅票！該區其他參選名單，請參閱本報立會選戰網站 http://hk.apple.nextmedia.com/legco2016/region 。