民建聯主席李慧琼噚日邀請師傅、即民記創黨主席曾鈺成到總部對談，莫非想喺選前借助曾主席人氣？而呢位徒弟確實有心，特別準備咗薯片同蝦條，點知阿曾似乎唔太開胃，話太熱氣，笑稱「我寧願食花生」，最終喺琼子誠邀下，話要將「薯片叔叔」同蝦條一齊食，佢話唔知蝦條代表乜，笑稱：「民建聯畀乜我咪食乜囉！」
一向好辯嘅阿曾，其間不時表明唔同意徒弟嘅言論，例如唔認同剪布係政治決定、唔認同政治因素可以凌駕程序等。師徒激辯後，阿曾都呵番徒弟，話覺得琼子嘅擔子，比佢25年前做黨主席時重好多。
至於對民記有乜寄語，阿曾指落區期間唔少市民都鬧議員成日唔喺會議廳開會，希望民記下屆「要喺辯論中有所表現」！