自霍啟剛與郭晶晶首個愛情結晶品出世，朱玲玲就升呢為「 最美麗嫲嫲」。40年前佢參加香港小姐，憑住個靚樣當選冠軍及最上鏡小姐，即刻被封為「最美麗港姐」！雖然話歲月催人老，但呢個定律喺朱玲玲身上就唔多覺，幾十年嚟佢都仲保持住個靚樣同窈窕身材，就算喺每年嘅慧妍雅集晚宴同啲後生港姐企埋一齊，都依然好亮眼。