29歲嘅牙買加飛人保特將會出戰男子100米跑、200米跑同埋4x100米跑接力，力爭成為呢三項嘅三連霸霸主。周一佢去咗鬆一鬆，但唔似美國男籃隊員咁去高級情色場所飲杯嘢，而係去佢贊助商嘅商業活動，同幾個森巴女郎大跳森巴舞，仲一邊跳一邊玩自拍，不知玩得幾咁開心。展望番今屆奧運，如無意外係最後一次參賽嘅保特，話希望可以挑戰自己，喺19秒內跑完200米。