唔少中環人都鍾意日戴夜戴，計住每日瞓成點、行咗幾多步咁。保險公司見到咁潮都唔執輸，友邦香港就有個Vitality計劃，每日行夠7,500步就有得換戲飛，一定難唔到精靈訓練員喇。
7,500步係一個咩概念呢？康文署就建議，大家每日行8,000至1萬步，已經可以強身健體，所以友邦嘅要求都唔算太難，友邦香港及澳門首席執行官陳榮聲（Jacky）都做到。佢教路話，只要等人嘅時候唔好企定定，堅持行來行去，都已經做到7,500步嘅成績。
Jacky仲話，今年友邦香港成立85周年，會加推「Vitality每周挑戰」。10月底前，只要一星期有5日行夠7,500步，就可以換到1杯星巴克飲品，新舊港澳地區嘅個人人壽保單客戶可以免費參加。
大家如果去開摩士公園，一定可以輕鬆達標喇。