之前有報道話李斯特城班主維猜大手筆,送每一位李城功臣一人一架寶馬超跑,拜仁慕尼黑球員表示濕濕碎,仲要係每年都會有車收(圖)。拜仁球會贊助商之一Audi自從喺2002年起,就會為每一位拜仁球員派一架新車,年年永不落空,咁喺拜仁踢得來就真係要諗下買個車房。另外,今夏拜仁新兵,葡萄牙18歲小將連拿度辛捷士,喺上月歐國盃決賽拉傷大腿,預計仲要休戰多一個月,新一季德甲季初唔使預佢。