香港勁揪！幾名本港設計師帶住自家製機械人到東京挑戰廢柴機械人全球爭霸戰（Hebocon），港隊連奪兩大獎，包括早前籌眾65萬推出「勁揪體」嘅Kit Man憑機械人反枱大叔奪最有創意獎，呢位禿頭大叔唯一技能係用前臂推翻木枱攻擊對手，首圈出局但憑萌樣迷倒評判。由於只限低技術機械人，大叔以玩具遙控車嘅遙控同零件製成，成本約3,000蚊。
至於「虎頭鍘製作」Ricky Chan以300蚊製作、5日完工嘅「Robot Controlled Controllor Robot」仲威，成為世界冠軍。Ricky將遙控器包裝成老虎形機械人、機械人則扮成遙控器，成功擾亂對手視線。