意甲球隊國際米蘭喺今個夏天熱身賽嘅表現真係唔多掂，近四場只得一和三負。最近嗰場鬥熱刺，仲要輸到六個一皮，明眼人都睇到班球員唔想幫教練文仙尼踢波。喺日前，國米就宣佈同文仙尼分手，委任阿積士前教練法蘭迪保亞掌帥。46歲嘅迪保亞係荷蘭名宿，無論係球員定教練時代都攞唔少獎盃，不過今次係佢第一次出國教波，掂唔掂就真係要等開「咧」至知。