喺新界東參選立法會嘅民主黨林卓廷，近日落區拉票有奇遇，獲得黨主席劉慧卿抬轎嘅佢，原來同時獲兩個劉慧卿力撐。乜卿姐識得分身㗎？梗係唔係啦，因為另一個劉慧卿係新東居民，同卿姐同名同姓，百分百啱傾！
阿廷話呀，日前拍住卿姐喺大埔拉票，其間突然有位女士衝上前，向卿姐熱情話呀：「我等咗你好耐呀！」等嚟做乜？原來係想世紀相認，因為「我都係叫做劉慧卿，我撐你呀！」
阿廷話佢同卿姐都覺得，呢個世界真係巧合得出奇，好多謝街坊劉慧卿為佢打氣，唔知有兩個卿姐同時力挺，作戰力係咪會更勁？該區其他參選名單，請參閱本報立會選戰網站 http://hk.apple.nextmedia.com/legco2016/region 。