你會一：發功vote晒班𡃁仔out，因為你緊跟狼的一帶一路，講明係一帶一佬，唔係一帶一仔。
你會二：就算簽N份確認書都唔信納𡃁仔。因為，雖然你唔係佢肚裏的蟲，年輕時卻慘被𡃁仔玩謝。熟女復仇，三十年未晚。大媽還信無本心的𡃁仔？食屎啦。
你會三：交足戲，幫西環做dirty job，枱底回報肯定唔弱，話唔埋林鄭個位都有得做。人為財死，選舉主任呢份政府工，終於有出頭日，返鄉下還神都還唔切。
你會四：做足兩手準備。將候選人趕絕之後，如果升職就正路，否則，有心理準備，步某差佬後塵，被燉去駐守邊境。選舉主任去邊境有乜細藝呢？有，打botox養顏！傳媒追訪，驚喜發現，主任她，靚到阿媽都唔認得。
你會五：鋪定移民後路，丟咗部小米，做妥隨時被「夾」的安全措施。無計，你知道的選戰內幕跟林榮基差唔多，他那件寧波橙衫，笠落來就渣都無！喔除非你打算去韶關置業！