立會大戰當前，候選人點敢偷懶？打住反689旗號喺港島參選嘅王維基，成日俾街坊喺區內捕獲。有人開始問典解維基日日個look都一樣？嗰件白恤衫到底有冇換過？大熱天時會唔會「男人味」特濃？
《壹週刊》話維基着嗰件係Maison Kitsuné白恤衫，係歐美時裝流行品牌，喺香港賣2千幾蚊一件。八方問過維基，佢話梗係有洗衫；日日都可以同款戰衣出場，因為一次過買咗9件同款，以便不時替換！
佢同時澄清恤衫絕對唔使2,000蚊件，搞開網購嘅佢都係喺網上買呢批衫，1,200蚊搞掂，早排仲做緊75折！點解咁清楚行情？原來佢三四年前開始着呢個牌子咯！該區其他參選名單，請參閱本報立會選戰網站 http://hk.apple.nextmedia.com/legco2016/region 。