民協何啟明的立會宣傳照與去年區選時判若兩人，惹來執相疑雲，何笑言：「張相冇執過樣，只係執咗啲陰影，瘦面嗰啲就冇，係用咗少少攝影角度……」立會投票靠印象，令他特別來個形象大革新。
特訓辯論練聲線
27歲的何啟明去年以西裝配金絲眼鏡的成熟造型拍攝區選照，不足一年後出戰全港性的超區，黑框眼鏡年輕形象令人一新耳目，「立法會選舉尤其選超區，唔可以接觸晒所有人，好多時投票靠印象，所以形象要轉一轉」。他特別找來着衫較「潮」的朋友幫手，「第一樣係轉髮型，梳咗唔同邊，又蠟頭，我之前唔識，上YouTube有個5秒教學，一嘢蠟上去；第二係換眼鏡，會文青啲」。
向來面圓圓的何啟明笑指當上區議員後，體重一度飆升至70公斤，今年4月起努力減腩，體重回落6至7公斤，務求形象更健康清新。近期更特訓辯論技巧，曾被嘲笑「未變聲」等，故練習發言時控制聲線，「講嘢沉一啲、firm（肯定）一啲」。該區其他參選名單，請參閱本報立會選戰網站 http://hk.apple.nextmedia.com/legco2016/region
■記者陳雪玲