投注後上馬，最怕就係見到直路塞車無位上，結果鞭長莫及應贏變輸，上季就有隻馬塞足差不多成條直路，到最後150米才望空，仍然能夠憑後勁壓倒對手勝出。
呢匹經典大逆轉頭馬，就係葉楚航馬房的「天才」。此駒在2月6日初次角逐分級賽(三級賽)，出爭沙田草地1800米百週年紀念銀瓶，排二檔起步後一直貼欄競跑，入直路後一直無法望空抽住冇騎，前面及左右兩邊均有馬擋住，最後150米才在內欄搵到個窄位衝上，但仍落後沿途放頭之「醒目名駒」達兩身位，好在韋達不負所託，在終點前擒下對手，總算替投注這匹大熱門的馬迷執番身彩，就連評述員現場都大嘆「驚險！驚險！」