經常有人話香港中距離賽事水準比短途賽高，故此跑開中距離之馬匹，若然縮程上陣往往贏了級數，就算跟唔住步速在早段落後較多，仍可憑後勁反先對手。
上季就由黑衣巨人「步步友」作出了一次上述情況精彩的示範，這匹香港前馬王在前季六捷，當中一場屬1400米，餘下五場屬1600米，中距離威力驚人。上季首仗卻選擇縮程，出爭二級賽田草1200米精英碗，負133磅頂磅加上，排14檔起步，莫雷拉操過又唔跑配田泰安，貴為馬王賠率竟然有十倍，乃歷來最冷的一仗。
雖然係咁，不過馬王始終係馬王，「步步友」在精英碗入直路仍居於包尾位置，到最後百零米才入鏡，幾步之間已可將「大運財」及「幸福指數」追過，結果馬王就咁爆出十倍冷Win，當時不少馬迷大嘆走寶呢！