【本報訊】應屆文憑試考生羅絢丹是新移民，來港3年就克服中港教育制度差異，文憑試考獲最佳6科31分。羅在內地習慣背誦標準答案，香港學制遠較內地自由，笑言初來港時未習慣思考；她應徵暑期工時因新移民身份被上司歧視，但慶幸同儕沒有排擠她。
應徵暑期工遭歧視
家鄉在梅州的羅絢丹在內地就讀重點中學，為與母親團聚而在3年前來港，就讀天水圍直資學校伯裘書院，現已能說一口流利廣東話。她在中文、英文及地理科均考獲5*，目標是科大理學士，志願當教師。
提到中港差異，羅笑言「香港學制自由好多」，「內地好多時都有標準答案，我自己就好唔鍾意背書，每一次見到（標準答案）都頭痛」，初來港時未能習慣通識科，「好唔習慣思考」，「香港好似地理、通識，好多時都要自己去諗論點，而唔係跟標準答案，我覺得（香港）自由好多，呢個都係香港學制成功嘅一點」。
羅最近從事物流業暑期工，「（應徵時）上司會查我哋身份證明文件，佢逐個望，惟獨望完我（份文件），就直接話我唔用你，你走，你立即同我走」，「好在老闆最後都叫我留低工作」。
■記者葉偉東