跳繩12年、已任教練的黃德誠有份出戰世界跳繩錦標賽表演盃，180厘米的身高無阻他在繩子間疾躍，一臉陽光自信。他年少時卻因成績欠佳而自信低落，曾經唯一擅長的乒乓球也不敵強手，「同人講嘢淨係望人腳趾」。他隨朋友參加校內跳繩演出，意外獲得全場掌聲，「嗰下振奮掌聲，打乒乓波冇試過」。他自此全心跳繩，昔日追蹤的偶像、港隊跳繩隊老將文家駒，如今成為戰友。
邊吃早餐邊看片
德誠上網看片段自學高難度花式時，成為跳繩達人文家駒的粉絲，接着兩個月每天邊吃早餐邊看該片段，更追蹤其網站和演出時間，「好似追星咁，佢表演我就喺後面拍低，佢走我又跟住佢走」。說起偶像往事，德誠依然雙眼發亮，「佢跳繩嗰陣笑得好燦爛，喺段片都見到佢發光，好鍾意佢Style（風格），慢慢模仿佢」。
兩人現一同登上世界舞台，昔日的「鵪鶉」變得如偶像般自信。德誠受訪時自爆曾打算向家駒學師，但因每堂學費500元而卻步，家駒即場糾正：「係500蚊一個月」，10年誤會終於解開。
文家駒跳繩16年，2004年已到澳洲參加世界跳繩錦標賽個人賽。當年大部份國家數十人參賽，港隊僅4人出戰。量輸，質更輸，「睇熱身都知佢哋跳嘅同我哋係兩回事，我哋出去係搞Gag（笑話），嗰陣覺得自己好渺小」。一直專注花式跳繩的他想過放棄跳繩，幸而及時找到更適合自己的表演盃。家駒指個人練習沉悶，表演盃氣氛則較輕鬆，最期待每次與觀眾交流，「觀眾睇完唔係講我哋技術，係話：嘩你哋個個笑得咁開心嘅！」
今次出戰表演盃十多名港隊成員各有正職，練習需安排至晚間，「有時跳到（凌晨）3點幾，跳到冇油！」德誠從不抱怨，更指各隊員朝夕相對心有靈犀，「唔係純粹拎道具嘅繩，係有條睇唔到嘅繩連埋一齊」。德誠冀教好跳繩學生，一同分享世界賽獲獎殊榮；家駒則計劃繼續參賽並舉辦學生比賽。