吳若希和鄭俊弘昨日在九龍公園出席奧運活動，鄭俊弘表示平時會跑步和做gym，吳若希則喜歡游水，她說：「我着一件頭泳衣出面再加多件長袖衫，大家都知我身材『平』易近人，無謂惹人討論啦。」會否與男友飛去巴西看奧運？她說：「唔會啦，去嗰邊睇太多人啦，喺屋企睇電視好過。」提到許廷鏗發生車禍，吳若希亦有致電慰問對方。