Samsung Note 7已經鐵定8月19日開賣！機未到、但機殼已經搶先登場。
行內Sales話呢個現象都幾罕見，Note 7手機殼竟然早咗成個月派貨落場，令人感覺廠方對呢部機相當積極進取，真係驚大家買咗機冇殼用，所以提早畀人派貨，令機殼的滲透率可以更高！件事有幾罕見？回顧上幾代旗艦級手機，例如S6、Note 5及S7，最多都係早一個星期派手機殼，有時甚至係同日同步上市！可以想像今次Samsung有機睇好呢部Note 7。
再來大家可能會問Note 7同S7有幾相似，記者試過放部S7入新的Note 7機殼，基本就算倒轉部手機都唔會從機殼中跌出，不過上下邊位有點鬆，明顯Note 7係大部一點，另一個點是發現Note 7的角位呈方形，而S7則比較圓角。另一好笑位，就是只要將S7機背鏡頭以至機底插孔位，對正Note 7機套的這些位置，你會發現大家的擺位非常相近，甚至係完全對應，有維修師傳行過說：「其實兩機硬件都好相近，加多個虹膜組件就係Note 7啦！部機長咗大咗，都係因為虹膜都唔定。」大家咪當笑話一則聽吓算啦！
查詢：三禾電氣（旺角先達廣場1樓F33）
記者、攝影：朱崇德