26歲的本地小將吳嘉晉，前季取12場頭馬已不算多，上季更減少一半縮至6場，形勢惡劣。這天嘉晉仔恢復開操，收工後他表示，明白到競爭激烈，自己會再勤力一點，除了落力操馬，亦會多看賽事影片，務求吸收其他騎師的長處。
吳嘉晉今朝出操馬中，「盈進」表現生猛，在內圈踱步時搶住去，步頭輕快火氣旺，剛轉3歲的年輕馬，似乎進度甚佳。「盈進」上季兩戰新馬賽，雖然都未上名，但狀態平平下全部敗不脫節，表現唔算差，應有相當潛質。暑假評 49分插四班肯定有利。以「盈進」的實力，對吳嘉晉來說，完全毋須擔心隻馬冇得贏，最怕係自己有份操冇份騎，開季後「盈進」取勝了，騎師卻不是我。