既然「老馬利季初」，練馬師有時保留老馬，是為了作為季初先頭部隊搶攻，故此一批擅跑新鮮之休出特佳老馬就更有留意必要。
第一匹推介係方嘉柏馬房七歲之「豪逸」，歷來兩次在九月份上陣都未輸過，包括上季在開鑼日捧走特首盃，盡顯其休後特佳之特性，現時評96分仲低過上季贏馬時五分，季初一見報名上陣便要留意。
另外，告達理馬房之八歲馬「名馬」服役六季，每季首仗共獲一勝三位一殿，僅一次不入前四名，而且三次在九月份上陣悉數上名，乃典型季初特佳馬，同樣有重視必要。
至於已轉投文家良馬房之「劍飛聲」，這匹七歲馬每季首仗共獲兩冠一季未失三甲，證明唞唞埋埋威力特別大，相信文家良亦清楚呢一點，估計會操好在季初蓄銳一擊。