英國萬人迷碧咸（David Beckham）最近都花多咗時間湊仔女，特別係最細嘅寶貝女哈七（Harper Seven）。碧咸日前於IG爆哈七靜雞雞拎咗阿媽對鞋嚟玩之後，兩父女前日又喺IG放閃！碧咸上載咗張同愛女一齊瞓晏覺嘅相，喺陽光下瞓晏覺真係又暖又懶洋洋，超級正。哈七成個伏於爸爸心口，相當溫馨。不過最搶眼都係哈七隻肥美手臂，睇落啖啖肉！唔怪得之前碧咸都試過咬哈七手臂。