曼聯周日喺社區盾對李斯特城，近日佢哋踢晒所有友賽，返到曼市練兵；周四晚，傳媒影到領隊摩連奴（左）同教練團放工後一齊去市中心食飯。最近摩佬將舒韋恩史迪加下放預備組，引嚟唔少批評，話佢唔尊重，而國際球員公會成員、嚟自斯洛文尼亞嘅史提芬奴亦狠批：「如果件事喺我哋國家發生，佢會被起訴，被判最高刑期入獄三年。」據報，摩佬仲叫小豬清空一隊嘅儲物櫃㖭。