27歲日本體操王子內村航平（圖）喺周六就會出戰男團同埋個人全能賽初賽，不過賽前突然傳出佢受傷嘅消息。日本傳媒透露，內村喺周三連續出現三次嚴重失誤，仲試過膝頭直接跪落地。《東京體育報》大爆內村嘅腳尖傷勢一直惡化，係不斷出錯嘅原因；早前亦有消息指出，由於選手村嘅設計太差，內村去完廁所要伸長隻手先拎到廁紙用，令佢膊頭都痛埋。