熱血公民今次選舉唔講建國只講全民制憲，仲簽埋確認書，梗係完全唔怕俾政府封殺參選。不過熱血原來仲有「全民運動，體育救港」，真係唔講唔知咁勇武！
喺九東參選嘅黃洋達日前喺fb上載一條着白西裝用電腦椅做運動嘅片，教人喺辦公室做健身操，但睇嚟睇去同佢話要入立會爭全民制憲似乎冇乜關係，亦好難理解扭扭吓就係勇武！
八方明白，重點不在條片，更加不在做運動，而係個捐款戶口，即係叫支持者記得課金！該區其他參選名單，請參閱本報立會選戰網站 http://hk.apple.nextmedia.com/legco2016/region 。