最近身邊的朋友，個個都話自己眼又朦，膊頭又緊，雙腳又軟，到底乜事？冇乜大事，只係《Pokemon GO》玩得太多，搞到周身唔舒服。捉精靈時候，全神貫注的望着電話，註冊中醫師徐澤昌（Roy）說，長時間低頭睇電話，眼睛會澀，會唔夠精神，中醫有句說話，「久視傷血」，看東西看得長時間，會傷了血份。中醫指的血，其實指身體裏的營養物質，當這些營養物質減少，無法濕潤我們雙眼，眼就會無神。
眼睛模糊以外，膊頭頸椎都十分疲倦。事關長時間低頭，令肩頸勞損，甚至有機會引發骨刺形成。腳軟就容易解釋，中醫有云「久立傷骨，久行傷筋」，每日行行停停，腳軟膝頭痛理所當然。
到底有甚麼解救方法？Roy立即教你幾式穴位按摩。
雙眼：用食指和姆指，按着鼻樑中間的精明穴，再合上雙眼，輕力按摩30秒左右，按完會感到雙眼精神得多。
肩頸：兩手直豎拇指，按摩頸後的風池穴30秒，可以紓緩疲勞。
雙腳：按摩膝頭旁的血海穴大約30秒，可以強筋，消除疲勞。
記者：李聰