Pokémon Go中自有黃金屋？香港知專設計學院日前趁捉精靈熱潮推出新生學費優惠，只要帶同卡比獸、比卡超或火蔥鴨報讀指定課程可享學費八五折。優惠會喺開課前兩周截止，報名表可以喺度下載： http://goo.gl/5pCggg 。
中大城市研究課程則趁熱潮請Pokémon Go訓練員，但呢批訓練員唔係負責玩Pokémon Go，而係協助研究遊戲熱潮，喺8月5日至9月5日期間，每周工作兩日每日6個鐘，時薪55蚊，只要識廣東話同有基本閱讀地圖能力就可以應徵。
八方睇過招聘啟事，列明職位係該學科嘅研究助理，工作包括喺Pokémon Go熱點同周邊環境記錄行人流量、場地使用等資料，並向玩家派發問卷。嘩，即係若然到咗有撒櫻花嘅PokéStop，可以一邊升呢一邊做嘢喎！有興趣應徵者可以將姓名、聯絡電話以及可以返工日期及時間（下午或晚上）電郵至mailto:[email protected]。