里約熱內盧奧運女排將會喺本周六開打，而中國就會喺首戰同荷蘭交手；佢哋喺周二去到馬拉簡拿斯連奴體育館，喺開賽前進行唯一一次適應場地嘅訓練，不過，佢哋就唔多好彩，練習期間場館突然停電（圖）。另外，日本排協亦決定安排日本女排入住當地嘅酒店，直到選手村嘅住宿環境有所改善為止。