莊偉忠轉到康宏金融做CEO，好多網民畀負評，話佢光環褪色，莊偉忠回應時就話，唔介意其他人講乜，因為佢「係為自己而活，唔係為你講嘅說話而活」。
佢又引用哲學家李天命嘅說話，形容好多人只係「生命中的魚蝦蟹」，最緊要係自己冇口出惡言，亦唔會因此同facebook等社交媒體割席。
講番佢去到康宏有乜大計，佢話，以後主席王利民繼續「着佢花喱花碌嘅衫」，負責企業形象，莊偉忠就繼續白恤衫、牛仔褲，負責執行細務，短期計劃喺9月前擴充前線團隊，由目前1,600增至1,900人，長遠會改善同投放資源喺訓練上面，「希望做到地球冇、香港冇嘅創新」。