陳國威（Patrick）今年1月回巢恒生銀行（011）出任大中華業務主管，市場一直傳佢有機會接替「一姐」李慧敏（Rose姐）做行政總裁，等睇佢熱身表演，點知佢噚日出席業績會，只係安靜坐喺Rose姐旁邊，一粒聲都冇出過！
Patrick本來係恒生財務總監，2009年轉去新地（016）做掌櫃，今年1月忽然返去恒生，咁啱Rose姐做到2018年應該會退休，所以人人都估Patrick應該準備接捧。
誰知噚日係佢回娘家之後第二次出席業績會，依然係一粒聲都冇，全場只係由Rose姐同現任CFO梁永樂解畫，Patrick冇表演機會㖭。
佢管理大中華業務，到下次再坐暖啲張櫈時，好應該同大家分享吓，點解恒生咁多內地企業壞賬要撥備，同埋可以點樣解決吖。