上月初《樂香園》篇題為《香港零售衰到2018年？》一文，提及旺區經營茶餐廳朋友跟密西比說，近期生意「好唔掂」，中午飯生意最少較年初跌20%，其中一個原因，是更多人「帶飯食」不外出用膳，實行「慳得一蚊得一蚊」，背後原因，是香港整體經濟欠佳，顧員收入減少，零售業是重災區。
日前，茶餐廳友人又跟密西比說，生意仍然「好唔掂」，但有迹象顯示情況很大可能在短期「進化」至更差。友人說：「𠵱家咁嘅環境，生意差就梗架啦，同年頭比，生意keep住跌大約20%右左，生意細有細做，呢樣嘢其實唔係大問題，反而多左人嚟問有冇請人，呢個問題大啲。」
友人續說：「個問題嚴重嘅地方，係我根本無請人！無貼請人告示都有人嚟搵工，仲要一日幾個入嚟問，即係話近嚟越嚟越多人無嘢做，你話大唔大鑊？我都唔記上次有同樣情況係幾時嘅事，可能係沙士啩……呢啲情況真係好少見，諗起都覺得驚。」
經濟有高峯固然有低潮，惟低潮似乎仍還會「再低啲」，一浪接一浪 。
密西比