力爭奧運四連霸的美國女足，在周三會於G組強勢登場，與大洋洲的新西蘭女足較量。美國無論在人腳、實力及經歷都遠勝新西蘭，就算「讓球主客和」要[-2]，都照捧美國「主勝」。
美國不單以衞冕身份出戰，亦是世界盃盟主，之前因傷缺陣的中場靈魂萊德已告傷癒，在上場熱身賽擔正並且攻入一球，助球隊以4:0大勝哥斯達黎加，今役可以正選披甲。
由於美國今役料踢三前鋒，以靚女雅歷絲摩根夥拍鄧妮及18歲新星佩芙攻堅，值得一提的是，鄧妮與佩芙亦在對哥斯達黎加一戰有入球，相信新西蘭大門會風聲鶴唳。新西蘭雖連續三屆殺入奧運，陣中亦有希恩及萊莉等質素不俗球員，惟實力與美國有距離，今役輸少當贏。
法國[-2]寧撐哥國
同組另一支實力球隊法國女足鬥哥倫比亞女足時，盤口同是[-2]，但哥國其實頗具戰力，中場嘉坦與烏絲美更是危險人物，球隊曾於去年的世盃以2:0擊敗法國，因此，就算法國有主力如中場妮絲比及湯米絲在陣，亦未必可大勝。
文：吾中