衰公易做，衰工難撈。
衰工，有人辦睇，當份job來done的話，衰工，比take嘢，更易衰硬。
衰佬做衰工，即是雙衰。咪玩啦，過去三年，還未衰夠嗎！
老實講，今時今日，搵份衰工過衰佬做，都俾人阻手阻腳，真涼薄！（唔好估對白出處，龍蝦有耳！）
行衰運上嚟，連衰工都搵唔到。
行衰運的極端版：諗住認衰唔撈份衰工，遞埋辭職信，又點喎，兩小時後，一樣甩唔到身。
衰衰地，老點你。香港邊有筍工吖衰鬼。
自認低威兼樣衰的你，以為做硬份衰工。喔，點知有人衰口過你，衰仔樂園，換角。鬍鬚佬，收到無？
小精靈新屎坑出爐，全球瘋捉。衰工短線熱炒，中環才俊一齊發功催谷，衰公GO，正式上架！