里奧喺本周五就會開幕，有份參演開幕典禮嘅巴西名模Gisele Bundchen（圖）日前進行綵排。係人都知，巴西係個罪案率好高嘅國家，消息話里奧好識得自嘲，仲會以呢樣嘢作為開幕禮其中一個主題。據有份獲邀去睇綵排嘅嘉賓話，Gisele會喺巴西名曲《Garota de Ipanema（伊帕內瑪女孩）》伴奏下行貓步，行到最後就會有賊仔扮老笠佢。里奧開幕禮嘅導演係拍過寫實電影《無主之城》（City of God）嘅費蘭度美拿里斯（Fernando Meirelles），啲人估佢咁做係要將巴西真實一面，呈現喺全球九億電視觀眾眼前。