瑞典前鋒伊巴謙莫域，上星期六喺曼聯「地標戰」就即刻入靚波，返番曼徹斯特後心情依然靚，喺星期日就揸車帶家人去當地嘅保齡球場「碌齡」。雖然有曼聯保安人員隨行，但伊巴表現好鬼親民，對喺街上要求同佢selfie嘅球迷來者不拒，不過，點解伊巴嘅銀色平治S500座駕咁熟口熟面嘅？原來係伊巴揸舊車，架車係今夏被辭退嘅前曼聯領隊雲高爾，之前用嚟代步㗎！