【本報訊】一對男雙世青冠軍伍家朗和李晉熙（綽號光頭仔），兩人同為22歲，首度踏上奧運舞台。不過他們不是憑男雙項目獲得奧運入場券，家朗成為今屆男單賽事的第11號種子球手，而光頭仔與另一個拍檔周凱華出戰混雙。由從前並肩作戰，到現在各自擔上大旗，兩名年輕港將誓要在奧運場上發光發亮。
夾雙打一同進步
家朗和光頭仔早在6年前已合作出戰世青賽男雙，並奪得當時港隊最佳的成績銅牌。但要數他們成名的時候，一定要數在2012年世青賽，他們在男雙決賽擊敗東道主日本組合，歷史性奪得世青賽冠軍。二人奪得世青冠軍後就拆夥，伍家朗轉為男單，而李晉熙就投入混雙。
家朗認為男雙這段過程令二人進步不少，更成功奔向奧運：「都有同光頭仔傾過奧運嘅事，最搞笑嘅係我哋都係世青冠軍，但並唔係因為男雙而去奧運，咁係最特別嘅，亦唔會後悔轉單打嘅決定。因為由一開始夾雙打，大家嘅目標都係去奧運，當中我們都面對過好多挫折，然後會坐低一齊討論，畀意見大家，都能令自己進步得更快。」
至於光頭仔就說：「其實不時都有諗，究竟當時自己係點樣做先有咁嘅成績，𠵱家總結後，就得出要放低自己，去衝擊對手同發揮到自己，就已經有好大突破。」
昔日好拍檔不再並肩，但同樣在奧運羽毛球場上奮鬥。對兩人而言，一切只是開始。
■記者盧曉君