【本報訊】面對各大電訊商的出招，出租「WiFi蛋」的小公司只有想辦法應對，例如直接與熱門外遊地區的電訊商合作，大量購買對方的短期數據卡，再轉售予本地用戶圖利。
漫遊或被限速
「Wifi Egg漫遊蛋」負責人陳先生表示，電訊商的新優惠或會令遊客「試一試」，但他指出，如數碼通（315）的新優惠，雖然價錢較便宜兼聲稱數據任用，但每日用過300MB即會被限速至不高於128kps，估計「電訊商將每日可用數據降低咗，所以優惠咗」。預期用戶試過有關服務，發現問題後會重新再用WiFi蛋及當地電訊商的SIM卡。
至於專營外遊數據卡及儲值卡的Data World，業務發展經理黃志強直指，電訊商的新優惠「對我哋影響唔係太大」，因為電訊商漫遊服務有一定成本，而公司則以批發價大量購買熱門外遊地區的SIM卡再出售，「等於啲人落機喺機場買卡，但我哋就賣平啲，可以預先買，唔使排隊。就算有問題，可以去返嗰邊嘅電訊商，佢哋都可以幫到手」。
他又指，WiFi蛋仍有一定市場，「Pocket WiFi有幾多人用，如果一家大細去玩，唔會走散，用WiFi蛋比較划算」。然而他指出，由於南韓及中國等地，都要求所有SIM卡用戶都要實名登記，故無法從電訊商購入電話卡。